Duke lëshuar një mesazh në faqen e tij në Twitter, diplomati i lartë iranian shkroi: Ishin Shtetet e Bashkuara që nuk kishin asnjë justifikim të pranueshëm dhe u larguan nga marrëveshja bërthamore. Kështu që ai vend tani duhet ta kompensojë atë, dhe atëherë Irani do të përgjigjet.

Zarif ka pyetur logjikisht, “Pse Irani fillimisht duhet të tregojë vullnetin e tij të mirë?” duke argumentuar, “Irani është një vend që qëndroi i palëkundur dhe doli fitimtar gjatë katër viteve të terrorizmit të egër ekonomik të Shteteve të Bashkuara, pas shkeljes së tij të të dy JCPOA dhe rezolutave përkatëse të Këshillit të Sigurimit të KB (KS).”

Ministri i Jashtëm iranian iishte gjithashtu të martën në mbrëmje në një konferencë të përbashkët shtypi me homologun e tij rus Sergei Lavrov dhe tha se Irani do t’u përgjigjet akteve, jo fjalëve.

“Ajo që kemi parë nga administrata e re e SH.B.A.-së ka qenë kryesisht fjalë dhe deklarata të qëndrimeve, por ne do t’i përgjigjemi veprimeve, jo fjalëve. Kurdoherë që amerikanët do të përfundojnë sanksionet e paligjshme që janë në kundërshtim me angazhimet e tyre të JCPOA dhe me Rezolutën 2331 të Këshillit të KB dhe përfundojnë ndëshkimin e vendeve që i binden ligjit duke vendosur sanksione, Irani gjithashtu, është i gatshëm të përgjigjet në mënyrë të përshtatshme, “shtoi ai.

Zarif përsëriti se në të kundërt të Uashingtonit, Teherani kishte qëndruar gjithmonë i përkushtuar ndaj artikujve të JCPOA, por edhe gjatë administratës së presidentit Obama, SHBA-të nuk kishin qëndruar të përkushtuar në angazhimet e tyre.

Ai shtoi se administrata e re e SH.B.A.-së, gjithashtu, ka folur vetëm deri më tani dhe nuk ka ndërmarrë asnjë hap praktik, dhe siç ka thënë Udhëheqësi Suprem, kthimi në JCPOA është i mundur pas përfundimit të sanksioneve.