VLORA
Tre vjedhje janë zbardhur në Vlorë pasi është arrestuar autori i dyshuar i tyre. 27-vjeçari B.Ç, ka rënë në prangat e Policisë pasi ishte në kërkim.
27-vjeçari dyshohet se më 7 tetor ka vjedhur një biçikletë, 15 tetor ka vjedhur celularin e një qytetareje kurse më 25 nëntor ka vjedhur një shumë parash nga një dyqan.
NJOFTIMI I POLICISË
Vlorë
Vijon puna për kapjen e personave në kërkim dhe vënien e tyre para përgjegjësisë ligjore.
Ndalohet një 27-vjeçar i shpallur në kërkim, autor i dyshuar për disa vjedhje.
Specialistët për Hetimin e Krimeve në Komisariatin e Policisë Vlorë, në vijim të punës për kapjen e personave në kërkim dhe vënien e tyre para përgjegjësisë ligjore, kanë kapur dhe ndaluar shtetasin e shpallur në kërkim për veprën penale “Vjedhja”:
B.Ç., 27 vjeç, banues në Vlorë.
Shtetasi B. Ç ishte shpallur në kërkim, pasi nga hetimet dhe provat e siguruara dyshohet se ky shtetas është autor i disa vjedhjeve të ndodhura në Vlorë, konkretisht:
- Më datë 07.10.2020 ka vjedhur një biçikletë;
- Më datë 15.10.2020 i ka vjedhur aparatin celular një shtetaseje;
- Më datë 25.11.2020 ka vjedhur një shumë parash në dyqanin e një shtetaseje.
Materialet i kaluan Prokurorisë së Rrethit Gjyqësor Vlorë, për veprime të mëtejshme.
(BalkanWeb)