Presidenti i Francës, Emmanuel Macron, dhe kancelari i Gjermanisë, Olaf Scholz, pritet të zhvillojnë sot një telefonatë të përbashkët me presidentin e Kinës, Xi Jinping.

Thirrja sinjalizon rritje të presionit mbi Kinën për konfliktin Rusi-Ukrainë.

Të hënën, shefi i politikës së jashtme të Bashkimit Evropian, Josep Borrell, foli me ministrin e Jashtëm kinez, Wang Yi, për herë të dytë që nga fillimi i pushtimit rus të Ukrainës, më 24 shkurt.

Kina ka shprehur “keqardhje” për sulmin, por ka bërë pak për të dënuar apo kundërshtuar Rusinë.

Perëndimi, në anën tjetër, ka ndërmarrë një varg sanksionesh të ashpra ekonomike dhe diplomatike kundër Rusisë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb