“Bota e ka parë sërish këto ditë se Rusia gënjen edhe kur tërheq vëmendjen për situatën në front me deklaratat e veta. Granatimet ruse nisën në Khersoni me municion ndezës menjëherë pas Krishtlindjes. Shumë sulme ndodhën në Kramatorsk dhe qytete të tjera të Donbasit, pikërisht në objektet civile dhe pikërisht kur Moska raportoi për “heshtjen” e pretenduar të ushtrisë së tyre. Ndodhën shumë kërcënime të zyrtarëve rusë për Evropën dhe botën. E gjithë kjo ishte kur Moska po fliste për ‘armëpushimin’ e supozuar”, tha Presidenti.
Zelensky theksoi se asnjë përpjekje e Rusisë për të manipuluar diplomacinë dhe politikën nuk do të funksionojë më.
“Vetëm forcimi i Ukrainës, vetëm sukseset e Ukrainës, vetëm rivendosja e integritetit territorial të Ukrainës, vetëm kthimi i të gjithë njerëzve tanë nga robëria ruse janë garancitë e paqes. Po e afrojmë çdo ditë”, tha ai.
Media propagandistike ruse tha se presidenti rus Vladimir Putin, dyshohet se ka urdhëruar që të vendoset një “regjim armëpushimi” përgjatë gjithë linjës së kontaktit në Ukrainë nga ora 12:00 e datës 6 janar deri në orën 24:00 të 7 janarit.
Sipas Shtabit të Përgjithshëm të Forcave të Armatosura të Ukrainës, përkundër kësaj, gjatë ditës së kaluar, armiku nisi nëntë sulme raketore, tre sulme ajrore dhe kreu 40 sulme duke përdorur sisteme raketash të shumta lëshuese, duke synuar, në veçanti, infrastrukturën civile. Si rezultat i sulmeve u raportuan viktima civile.
