Presidenti i Ukrainës, Volodymyr Zelensky, ka informuar Sekretarin e Përgjithshëm të OKB-së, Antonio Guterres për shtrirjen dhe pasojat e sulmit masiv raketor të Rusisë.

“Falenderova Antonio Guterres për dënimin e fortë të sulmit masiv raketor të Rusisë në Ukrainë. Informova në detaje për përmasat dhe pasojat e një krimi tjetër të përgjakshëm të Rusisë.  Bota duhet të reagojë sa më shpejt”, tha Zelensky.

Zelensky dhe Guterres diskutuan gjithashtu situatën në termocentralin bërthamor Zaporizhzhia dhe iniciativën e grurit.

Siç është raportuar, në mëngjesin e 10 tetorit, Rusia nisi një sulm masiv me raketa në të gjithë Ukrainën.

Rusia lëshoi ​​84 raketa lundrimi në Ukrainë, nga të cilat 43 u rrëzuan. Të paktën 11 persona u vranë, 89 u plagosën në të gjithë vendin.