Ambasadorja amerikane në Tiranë,  Yuri Kim ka reaguar pas zgjedhjes së anëtarëve të rinj të KED.

Nëpërmjet një postimi në ‘Twitter’ Kim shprehet se vazhdon zbatimi i reformës në drejtësi, ndërsa thekson se tashmë hapet rruga e përfundimit të Gjykatës Kushtetuese.

Më tej shprehet se inkurajon të gjitha institucionet përkatëse që të vazhdojnë përpara pavarësisht pengesave për të zbatuar reformën në drejtësi.

“Vazhdon zbatimi i Reformës në Drejtësi. Më vjen mirë që Zyra e Presidencës (në bashkëpunim me Këshillin e Lartë Gjyqësor, Këshillin e Lartë të Prokurorisë, Avokatin e Popullit dhe të tjerë) zhvilloi dje një short transparent për përzgjedhjen e anëtarëve të rinj të Këshillit të Emërimeve në Drejtësi. Gjykata Kushtetuese arriti kuorumin 1 vit më parë që mundësoi funksionalitetin. Veprimi i djeshëm i hap rrugën përfundimit të Gjykatës Kushtetuese në fillim të vitit 2022. Inkurajojmë të gjitha institucionet përkatëse që të vazhdojnë përpara, pavarësisht pengesave për të zbatuar reformën në drejtësi”, shkruan  Kim.

 

Kim

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb