NGA ERMELINDA HOXHAJ*
Procesi i numërimit për postet e dekanit dhe shefave të departamenteve në 12 universitetet publike në vend është mbyllur. Në Universitetin e Tiranës, 6 dekanët e rinj të fakulteteve janë zyrtarizuar pasi ka përfunduar procesi i numërimit, po ashtu janë zyrtarizuar edhe shefat e departamenteve si dhe anëtarët e senateve. Edhe në Universitetin e Mjekësisë janë zyrtarizuar dekanët fitues me përjashtim të Fakultetit të Shkencave Mjekësore Teknike, pasi kandidatja e vetme, Tatjana Çina nuk ka marrë numrin e mjaftueshëm të votave, 50% plus një të votave të vlefshme që përcakton rregullorja e Ministrisë së Arsimit.
DEKANËT E UT
Në Fakultetin e Histori Filologjisë në garën mes dy zonjave, Valentia Duka dhe Dhurata Shehri, fituese është shpallur Valentina Duka, e cila do të drejtojë këtë fakultet për 4-vitet e ardhshme. Te Shkencat e Natyrës, në vend të rektorit të ri të zgjedhur Mynyr Koni, është shpallur fitues Spiro Drushku, i cili garonte me Anila Papariston. Te Fakulteti i Shkencave Sociale midis dy kandidatëve në garë, Edmond Dragoti dhe Edmond Rapti dekani i ri është zgjedhur Rapti. Në Fakultetin e Gjuhëve të Huaja, i cili për 8 vite u drejtua nga Koldeta Dibra e cila nuk arriti të fitonte në garën për rektor, ishin dy kandidatë, Artur Sula dhe Esmeralda Kromidha.
Fituesi i zgjedhjeve te Gjuhët e Huaja është shpallur Artur Sula. Ndërsa te Fakulteti i Drejtësisë ku garon dekani Altin Shegani për një mandat të dytë dhe Artan Hoxha, fitues është shpallur ky i fundit. Ndërkohë që rektori i UT, Dhori Kule tashmë ka fituar postin e dekanit të Fakultetit të Ekonomisë, post të cilin e ka mbajtur edhe para 8 vitesh.
Për pozicionin e dekanit kanë votuar trupa akademike e fakultetit përkatës edhe studentët, pasha e votës së të cilëve është e njëjta si për rektoratin 10% e peshës totale. Ndërsa shefat e departamenteve janë zgjedhur vetëm nga vota e pedagogëve. Te Shkencat e Natyrës rasti më i veçantë është mes dy garuesve në departamentin e Kimisë, Elda Marku dhe Majlinda Vasjari të cilat kanë marrë të njëjtin numër votash të pedagogëve dhe do të zgjidhen me short.
DEKANËT E UMT
Universiteti i Mjekësisë Tiranë, me ndryshimin në mars të këtij viti është reduktuar në tre fakultete nga 5 që ishte më parë, Fakulteti i Mjekësisë, i Stomatologjisë dhe i Infermierisë. Shëndeti Publik dhe Farmacia janë shkrirë në Fakultetin e Mjekësisë. Për postin e dekanit në Fakultetin e Mjekësisë garuan tri kandidatë, Pëllumb Pipero, Florion Toti dhe Xheladin Draçini.
Fituesi me votat e pedagogëve dhe studentëve u shpall Xheladin Draçini. Ndërsa te Fakulteti i Mjekësisë Dentare, ishte vetëm një kandidate Edita Xhajanka, e cila ka fituar me mbi 90% të votave. Pa një fitues ka mbetur Fakulteti i Shkencave Mjekësore Teknike, pasi kandidatja e vetme, Tatjana Çina nuk ka arritur të marrë më shumë se 30% të votave. Por pas 15 ditëve kjo kandidate sipas rregullores së MAS do hyjë sërish në zgjedhje nëse nuk fiton mbi 50% atëherë do shpallen zgjedhje të tjera.
[embeddoc url=”https://www.balkanweb.com/site/wp-content/uploads/2016/04/SENATI.xlsx” viewer=”microsoft”]
Drejtuesit e rinj të Universitetit të Tiranës
Rektor
Mynyr Koni
Dekan në Fakultetin e Shkencave të Natyrës
Spiro Drushku
Përgjegjës në Departamentin e Biologjisë
Mirea Çekani
Përgjegjës në Departamentin e Bioteknologjisë
Klementina Puto
Përgjegjës në Departamentin e Fizikës
Polikron Dhoqna
Përgjegjës në Departamentin e Informatikës
Endrit Xhina
Përgjegjës në Departamentin e Kimisë
Elda Marku dhe Majlinda Vasjari (vota të njëjta, zgjedhja me short)
Përgjegjës në Departamentin e Kimisë Industriale
Rozana Troja
Përgjegjës në Departamentin e Matematikës
Artur Baxhaku
Përgjegjës në Departamentin e Matematikës së Aplikuar
Fatmir Hoxha
Përgjegjës në Qendrën Kërkimore Florës dhe Faunës
Alfred Mullaj
Dekan në Fakultetin e Histori-Filologjisë
Valentina Duka
Kandidatët për përgjegjës në Departamentin e Gjuhës
Shezai Rokaj
Përgjegjës në Departamentin e Letërsisë
Lili Sula
Përgjegjës në Departamentin e Gazetarisë dhe Komunikimit
Mark Marku
Përgjegjës në Departamentin e Gjeografisë
Romeo Hanxhari
Përgjegjës në Departamentin e Arkeologjisë dhe Trashëgimisë Kulturore
Lorenc Bejko
Dekan në Fakultetin e Drejtësisë
Përgjegjës në Departamentin e të Drejtës Civile
Zhaklina Peto
Përgjegjës në Departamentin e të Drejtës Publike
Kristina Jançe
Përgjegjës në Departamentin e të Drejtës Penale
Skënder Kaçupi
Dekan në Fakultetin e Gjuhëve të Huaja
Artur Sula
Përgjegjës në Departamentin e Gjuhës Italiane
Diana Kastrati
Përgjegjës në Departamentin e Gjuhës Gjermane
Sonila Sadikaj
Përgjegjës në Departamentin e Gjuhëve Sllavo-Ballkanike
Sofija Delijorgji
Dekan në Fakultetin e Ekonomisë
Dhori Kule
Përgjegjës në Departamentin e Financës
Edlira Luçi
Përgjegjës në Departamentin e Manaxhimit
Shyqyri Llaci
Përgjegjës në Departamentin e Kontabilitetit
Ingrita Buçka
Përgjegjës në Departamentin e Ekonomiksit
Tonin Kola
Përgjegjës në Departamentin e Marketing-Turizmit
Vjollca Panajoti
Dekan në Fakultetin e Shkencave Sociale
Edmond Rapti
Përgjegjës në Departamentin e Punëve dhe Politikës Sociale
Rudina Rama
Përgjegjës në Departamentin e Filozofisë
Almend Muho
Përgjegjës në Departamentin e Metodave Analitike Instrumentale
Nikolla Civici
Përgjegjës në Departamentin e Mbrojtjes nga Rrezatimet dhe Rrjetet e Monitorimit
Sokrat Ahmetaj
Përgjegjës në Departamentin e Radiometrisë dhe Radiokimisë
Manjola Shyti
Përgjegjës në Departamentin Edukimi Fizik dhe Sporteve
Beqir Kuka
Drejtor në Institutin e Fizikës Bërthamore të Zbatuar
Elida Bylyka
Universiteti i Mjekësisë
Rektor i universitetit
Arben Gjata 38.291% të votave
Dekani i Fakultetit të Mjekësisë
Xheladin Draçini
Fakulteti i Mjekësisë Dentare
Edita Xhajanka
Fakulteti i Shkencave Mjekësore Teknike
Tatjana Çina 30% të votave, ribëhen zgjedhjet
(m.k/GazetaShqiptare/BalkanWeb)
