Palët kanë gjetur gjuhën e përbashkët dhe sot Federata Shqiptare e Futbollit ka konfirmuar se Kombëtarja do të luajë ndeshjen miqësore me Kosovën.
Pak ditë më parë u raportua se kjo sfidë nuk do të mund të zhvillohej pasi Federata Zvicerane nuk kishte dhënë lejen për organizimin e saj me pretekstin se kishte rrezik për sigurinë.
FSHF në sajtin e saj zyrtar konfirmon se takimi miqësor do të luhet më 29 maj në Zyrih, në orën 20:00. Stadiumi i përzgjedhur është ai i Grasshopper, “Letzigrund”, me një kapacitet prej 26 mijë tifozësh.
Ndërkohë, më 3 qershor kuqezinjtë do të luajnë një tjetër miqësore, kësaj radhe kundër Ukrainës.
(e.k/BalkanWeb)