Detaje të reja dalin në dritë nga zhdukja e biznesmenit italian Davide Pecorelli. Burime policore bënë me dije për gazetaren e ‘News24’ dhe ‘BalkanWeb’ Klodiana Lala se në makinën e cila u gjet e djegur në Reps, në zonën e Gjegjanit të Pukës, brenda saj kishte dhe eshtra.
Mësohet se në makinën e ish-arbitri italian është gjetur një orë dhe një celular. Mes të tjerash bëhet e ditur se biznesmeni ka udhëtuar nga Tirana në Vlorë më pas në Shkoder dhe ka qëndruar dy netë në Pukë në hotel Turizmi.
Burimet konfirmojmë se biznesmeni po kthehej në hotel kur është djegur mjeti, ndërkohë që lëvizjet e tij konfirmohen përmes GPS. Ndërkohë që partnerja e tij shqiptare ka deklaruar se ai kishte interes ta zhvillonte biznesin në Veri të Shqipërisë.
Gazetarja Lala tha se eshtrat do dërgohen në Itali për ekspertizën e ADN-së dhe në këtë mënyrë mund të identifikohen kujt i përkasin. Pecorelli ka partneren me origjinë shqiptare, me të cilën ka dhe një fëmijë. Kjo duket se e ka lidhur atë më shumë me Shqipërinë. Ai kishte mbërritur në Shqipëri në 7 janar. Më pas udhëtoi drejt Veriut me një automjet tip “Skoda” të marrë me qira. Policia aktualisht po heton rreth zbardhjen së plotë të ngjarjes italiane, e cila u sinjalizua nga mediat italiane të cilat shkruajtën për zhdukjen e biznesmenit.
(BalkanWeb)
