Teuta ishte zhgënjimi më i madh nga katër ekipet shqiptare pjesëmarrëse në Conference League. Bregdetarët pësuan një humbje të rëndë 0-2 në shtëpi përballë ekipit nga Andorra, Inter Esclades, një rezultat befasues që e ndërlikon shumë kualifikimin e tyre, për të mos thënë e bën të pamundur. Në fakt, ekipi i Edi Martinit mbetet sërish favorit, edhe kompanitë e basteve shkojnë në këtë linjë, por shqetësues është loja që durrsakët zhvilluan në aktin e parë, shumë të vakët në fazën sulmuese dhe shumë të prekshëm në mbrojtje me gabime foshnjarake.
Teuta vijon të stërvitet në Andorra ndërsa trajneri Martini është në kërkim të një zgjidhje të shpejtë. Drejtuesit e klubit po bëjnë gjithçka për të shmangur këtë eliminim të parakohshëm nga turni i dytë në Conference League teksa sipas “Panorama Sport” kanë vendosur 100 mijë euro premio në rast kualifikimi.
(BalkanWeb)