Edhe pse tashmë jemi në muajin shtator, zjarret nuk ndalen në vendin tonë. Së paku dy zjarre të mëdha janë shënuar në vend në Tiranë e Fier.
Në kryeqytet, janë përfshirë nga flakët e zjarrit kodrat e Mulletit. Nuk dihen ende shkaqet e zjarrit, ndërsa forca të shumta zjarrfikëse janë angazhuar për shuarjen e flakëve.
Ndërkaq, gazetari Ervis Kuçi raporton për “Balkanweb” për zjarr edhe në pyjet e Fieri. Një vatër zjarri u shënua në pyllin e Pishporos. Në vendngjarje zjarrfikëset nga Fieri dhe Patosi si dhe efektive te policisë së shtetit .
Fillimisht kanë marrë flakë ferrat dhe shkurret dhe fatmirësisht nuk kanë marrë flakë kurorat e pishave. Shkaku nuk është u qartë.
Një tjetër zjarr ka rënë në zonën kodrinore të Cakranit pasditen e kësaj të diele.
Zjarri ka përfshirë një sipërfaqe me pisha, ullinj dhe shkurre. Forcat zjarrfikëse të Fierit, Patosit e Roskovecit janë në vendngjarje .
Terreni kodrinor ka bërë që forcat zjarrfikëse të kenë vështiresi për neutralizimin e flakëve. Po punohet për shuarjen e tyre.
(d.xh/Balkanweb)