Pronari i banesës dykatëshe në Vlorë, që u përfshi nga flakët mëngjesin e sotëm, është shprehur për media se nuk ka qenë brenda, në momentin e rënies së zjarrit.

Ai ka treguar se kishte zbritur poshtë banesës për të pirë një kafe dhe nëna e tij e moshuar është nxjerrë jashtë nga fqinjët dhe është dërguar në spital.

“Është shtëpia ime ajo që është djegur. Kisha lënë prizën ndezur me mamanë nuk e di. Zbrita për një kafe dhe kur erdha ishte djegur. Mamaja është në spital nuk e di si është se ka vajtur motra ta shikojë. Plaka nuk ka qenë e paralizuar. E ka nxjerrë një gjiton nga banesa”, u shpreh ai.

Ndërsa fqinji i tyre është shprehur se ishte nisur për Tiranë dhe është kthyer në mes të rrugës, kur ka mësuar ngjarjen.
“Isha nisur për Tiranë, u ktheva direkt nga Fieri u nisa për Vlorë. Kam një motër të sëmurë me të meta mendore, më shumë për atë u ktheva. Ajo ishte brenda shtëpisë, e kanë nxjerrë këta, madje nuk ishte mirë, i kanë bërë dhe një gjilpërë. Është rasti i dytë që iu bie zjarr, njëherë e kam fikur unë se kam zjarrfikëse në shtëpi”, u shpreh fqinji.

(BalkanWeb)