POGRADEC
Policia ka dhënë informacion mbi zjarrin që ra në një banesë private në Pogradec. Mësohet se në banesë kanë qenë dy persona të cilët kanë arritur të shpëtojnë.
40-vjeçari ka shfaqur probleme prej asfiksisë nga tymi kurse 33-vjeçarja dëmtoi dorën pasi theu xhamin.
Ata janë në spital jashtë rrezikut për jetën.
NJOFTIMI NGA POLICIA
Pogradec/Informacion paraprak
Më datë 19.05.2021, rreth orës 11:45, në lagjen nr. 1, Pogradec, dyshohet se si pasojë e bombulës të gazit, ka rënë zjarr në banesën private të shtetasve I. B., rreth 40 vjeç dhe M. B., 33 vjeçe.
40-vjeçari, ka shfaqur probleme si pasojë e asfiksisë nga tymi, ndërsa shtetasja M. B., për të ndihmuar këtë të fundit, ka dëmtuar dorën duke thyer një xham të banesës.
Të dy shtetasit aktualisht ndodhen në Spitalin e Pogradecit, jashtë rrezikut për jetën.
Grupi hetimor po punon për zbardhjen e rrethanave të ngjarjes.
(BalkanWeb)