Zëdhënësja e PD Ina Zhupa ka replikuar me Elisa Spiropalin, menjëherë pasi kjo e fundit dha një intervistë për televizionin “Neës 24”. Spiropali në fjalën e saj tha se opozita e ka lëshuar Kuvendin për shkak se s’ka ekip, sondazhet e tregojnë poshtë dhe për shkak të reformës në drejtësi.
Zhupa ka reaguar pas deklaratës së Spiropalit, duke argumentuar pikat që përmendi ministrja për marrëdhëniet me Parlamentin.
Statusi i Ina Zhupës:
Zonja 5 milion euro e doganave sapo renditi në tv, 3 arsye pse opozita ka dalë nga parlamenti sipas saj.
- S’ka ekip dhe program tha Elisa.
Në fakt këta ekip të mirë konsiderojnë vetëm trafikant droge, përdhunues, trafikant femrash apo abuzues me fondet publike si vetë zonja në fjalë.
- Sondazhet e nxjerrin keq tha Elisa.
S’po iu referohem fare sondazheve të brendshme por mjafton të shohin ato publike të cilat e nxjerrin opozitën fituese të zgjedhjeve.
- Opozita paska frikë nga reforma në drejtësi, vuri pikën zonja e doganave.
Opozita hoqi dorë nga mbrojtja që i bën mandati i deputetit dhe paska frikë!!! Dhe vetë Soros ua tha se kanë dështuar dhe gjithçka në fakt ishte një lojë e Ramës për të kontrolluar drejtësinë. Një drejtësi e pakapur do kishte marrë në hetim Elisën të parën, pastaj me radhe gjithë organizatën e Rilindjes.
(d.xh/ BalkanWeb)
