Në rrënojat e aeroplanit të Ukrainës që u rrëzua dje në Iran është gjetur një letër e një studenti që luste Zotin ta ndihmojë të kalonte provimin.

Në këtë aksident humbën jetën 176 pasagjerë dhe anëtarët e ekuipazhit. Letra e shkruar me ngjyrë të kaltër është gjetur në rrënojat e avionit dhe besohet se e ka shkruar një student iranian.

Sipas raportimeve, shumë studentë iranianë po ktheheshin pas pushimit dimëror dhe po udhëtonin me aeroplanin e kompanisë ukrainase, kjo për faktin se i ka çmimet më të lira.

Avioni u rrëzua 12 minuta pasi ishte ngritur në ajër, ndërsa hetimet kanë treguar se kishte shpërthyer një zjarr dhe duke tentuar të rikthehen në aeroport nuk ia kishin arritur.