Albano Aleksi është lojtari më i ri i Tiranës. Futbollisti i larguar nga Teuta firmosi me bardheblutë, teksa para pak minutash ka ardhur njoftimi zyrtar për mesfushorin.“KF Tirana njofton afrimin e lojtarit Albano Aleksi. Klubi ka nënshkruar ditën e sotme marrëveshjen me lojtarin që e bën atë pjesë të bardhebluve për sezonin e ardhshëm.Mesfushori do të jetë përforcimi më i ri i skuadrës. I urojmë mirëseardhjen në kampin e kampionëve” – shkruan klubi.
Kryeqytetasit bënë një sezon fantastik në Superiore, duke ia dalë të fitojnë titullin kampion. Merkato sapo ka nisur dhe emra të tjerë priten të afrohen.
(BalkanWeb)