Chelsea ka kompletuar transferimin e mbrojtësit të djathtë të Lyonit, Malo Gusto. 19-vjeçari do të përfundojë sezonin në Ligue 1 në formë huazimi përpara se t’i bashkohet klubit të tij të ri në verë.

Klubi i Premier League do të paguajë 30 milionë euro, me 5 milionë euro të tjera në shtesa të mundshme. Ashtu si blerjet e tjera të fundit, mbrojtësi i Francës U21 ka firmosur një marrëveshje afatgjatë në Stamford Bridge, e cila zgjat deri në qershor 2030.

Gusto është nënshkrimi i shtatë në këtë merkato janari, pasi janë shpenzuar 175 milionë funte për të nënshkruar me Mykhaylo Mudryk, David Datro Fofana, Benoît Badiashile, Noni Madueke dhe Andrey Santos.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: