Në Shqipëri shpesh nuk mjafton të dalësh kampion, nuk mjaftoi as për Elton Marinin për tu konfirmuar te Partizani edhe në sezonin e ri. Klubi i kuq, me anë të një njoftimi për mediat, ka zyrtarizuar ndërprerjen e bashkëpunimit me drejtorin sportiv. Largimi i Marinit vë në dyshim edhe të ardhmen e Giovanni Colella-s pasi italiani ishte një zgjedhje ekskluzive e tij:

FK PARTIZANI njofton mbylljen konsensuale të bashkëpunimit me Drejtorin Sportiv, Elton Marini. Partizani falenderon Marinin për gjithçka ka dhënë për klubin e kuq në një vit të suksesshëm ku Partizani u shpall Kampion i Shqipërisë. Bashkëpunimi i Partizanit me Marinin do të vazhdojë në forma të tjera.

(BalkanWeb)