Hansi Flick do të qëndrojë te Gjermania. Tashmë nuk ka dyshime sa i përket të ardhmes së trajnerit të Panzerave, me Federatën gjermane që  ka dalë në një deklaratë zyrtare.

“Presidenti i DFB Bernd Neuendorf, Zëvendëspresidenti i DFB Hans-Joachim Watzke dhe trajneri Hansi Flick patën një diskutim miqësor dhe konstruktiv sot mbi situatën aktuale. Ne kemi besim të plotë në Hansi Flick” – Shkruhet mes të tjerash.

E ardhmja e Flick ishte në dyshim për shkak të dështimit në Kupën e Botës, por drejtuesit e kanë parë të arsyeshme të vazhdojnë më tutje projektin e nisur.

57-vjeçari numëron 19 ndeshje në krye të skuadrës, teksa ia ka dalë që nën drejtimin e tij, ekipi të marrë 2.05 pikë për ndeshje. Gjermania, pas eliminimit nga Kupa e Botës, planifikon një revolucion në skuadër.

 

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: