Tre peshkatarë palestinezë u martirizuan të dielën kur shpërtheu një dron izraelit i ngarkuar me eksploziv, njoftoi Ministria e Brendshme e Gazës.
Zëdhënësi i Ministrisë së Brendshme, Iyad al-Bozum, në një deklaratë theksoi se një dron izraelit i ngarkuar me eksploziv ishte mbërthyer në rrjetën e peshkatarëve dhe shpërtheu.
“Ministria e konsideron okupuesit izraelit plotësisht përgjegjës për martirizimin e tre peshkatarëve në bregdetin pranë Khan Younis të Gazës jugore”, shtoi Al-Bozum.
Ai gjithashtu nxiti grupet e të drejtave të ndjekin penalisht autoritetet izraelite në gjykatat ndërkombëtare për krimet e tyre kundër popullit palestinez.
Peshkatarët nga familja Al-Laham u vranë në rrethana misterioze në brigjet e Rripit të Gazës gjatë peshkimit.
Ministria e Brendshme tha se do të hetojë incidentin.
Ushtria izraelite, nga ana e saj, mohoi përfshirjen në vdekjen e peshkatarëve.//AA