Kryetari i qytetit serb Novi Sad, Millosh Vuçeviç, politikan i afërt me presidentin e Serbisë, Aleksandër Vuçiç, së fundmi është treguar ironik me serbët e thjeshtë që zgjedhin të pushojnë në Kroaci, ndërkohë që disa nga biznesmenët serbë, jahtet e të cilëve janë ankoruar në portet kroate, janë shumë të afërt me strukturat qeverisëse në Serbi.

Që nga fillimi i mijëvjeçarit, ku sipërmarrësit filluan të blejnë në mënyrë masive jahte në ishujt Paklenski, porti i Palmizhanit dhe restorantet në Kroaci janë bërë destinacionet e preferuara për biznesmenët, sportistët dhe yjet e ShowBizzit në Serbi.

Një pjesë e këtyre jahteve janë në lidhje të vazhdueshme me Malin e Zi, por nuk është i vogël numri  i atyre që kanë lidhje të vazhdueshme me portet kroate.

Nga portet kroate, për të cilat siç shkruan Jutarnji list, dihet se kanë jahte në pronësi të kompanive të mbështetura nga sipërmarrësit nga Serbia, e gazetarët e kësaj të përditshme kroate marrin vazhdimisht të njëjtën përgjigje – dhe krejt kjo për shkak të deklaratave të Vuçeviçit, shkruan e përditshmja kroate Jutarnji list.

“Ju lutem që të mos më citoni kësaj radhe në tekst. Prej vitesh kam pasur vizitorë nga Serbia që janë vizitorë të shkëlqyeshëm dhe miq tanë, por nuk mund të zbulojmë emrat e tyre”, thonë nga stafi menaxhues i një porti kroat.

Disa prej biznesmenëve serbë që kanë lidhje në portet kroate, janë shumë të afërt me strukturat qeverisëse në Serbi, e siç raporton Jutarnji list, aty theksohen dy emra.

Derisa kalimtarët dhe pushuesit e shumtë parakalojnë është e pamundur të mos ju bie në sy jahti Azimut Millenium II. Fjala është për jahtin luksoz që kap vlerën e rreth tetë milionë eurove dhe që është në pronësi të Ivan Boshnjakut, bashkëthemelues i Millenium Team.

E përditshmja kroate duke u thirrur në rrethin e ngushtë të sipërmarrësve në Beograd, bën të ditur se fjala është për kompaninë që është e lidhur me të gjitha projektet e Serbiagazit.

Jutarnji list shkruan se presidenti i klubit të futbollit Partizan, Ostoja Mijailoviç, ka jahtin e ankoruar në një port pranë hotelit Le Meridien, që është 25 metra i gjatë dhe vlen rreth 5 milionë euro.

Ostoja Mijailoviç, sipërmarrësi 43-vjeç, kohë më parë ka qenë anëtar i partisë Serbia e Re të cilën e braktisi shtatë vite më parë dhe kaloi në Partinë Përparimtare të Serbisë.

Aty theksohet se në brigjet kroate nuk është diçka e rrallë kur shihet jahti “joyME” e Filip Cepterit si dhe jahti i Dragan Shebulovit, Milan Popoviçit, Millan Bekës dhe Millosh Luliçit.