Austria njoftoi të mërkurën se ka ndaluar përdorimin e platformës së mediave sociale TikTok në telefonat zyrtarë, për shkak të shqetësimeve të sigurisë.

Ministri i Brendshëm, Gerhard Karner tha për mediat se vendimi ishte marrë në përputhje me rekomandimet e Komitetit të ekspertëve të ngritur nga ministria në shkurt.

Duke theksuar se zyrtarët publikë mund të përdorin TikTok-un në pajisjet e tyre personale, Karner deklaroi se përdorimi i këtij aplikacioni në telefonat celularë zyrtarë në nivel federal është i ndaluar dhe se aplikacioni në fjalë është kinez, gjë që ngre shqetësime të ndryshme për sigurinë e informacionit dhe të dhënave, raporton Anadolu.

Njëjtë sikur qeveria federale, shteti i Austrisë së Epërme ka ndaluar gjithashtu përdorimin e TikTok-ut në telefonat celularë të korporatave të punonjësve të tij për arsye të ngjashme.

Shumë vende në Evropë dhe SHBA kanë ndaluar tashmë platformën kineze të mediave sociale në pajisjet zyrtare që u përkasin punonjësve publikë.

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb