Organizata Botërore e Shëndetësis, ka dalë me një tjetër deklaratë për pandeminë COVID. OBSH bën thirrje qytetarëve që të mos e trajtojnë koronavirusit njësoj si gripi.

I dërguar special i OBSH-së David Nabarro, u shpreh se kjo sëmundje është ende plot surpriza, duke shtuar se edhe tre muajt e ardhshëm situata në lidhje me pandeminë, pritet të jetë e vështirë.

‘Situata në lidhje me pandeminë do të jetë e vështirë të paktën për tre muajt e ardhshëm’, është shprehur ai gjatë një interviste për mediat britanike.

Kjo deklaratë e tij, vjen pas reagimit të kryeministrit britanik Boris Johnson, i cili theksoi se bashkëqytetarët e tij duhet ta fillojnë ta trajtojnë COVID-19 si një grip.

Nga ana e tij Nabarro i cilësoi këto deklarata si të papërgjegjshme.

‘Koronavirusi mund të ndryshojë dhe ne mund të shohim gjithashtu variante të reja, nuk duhet të ulim vigjilencën ndaj këtij virusit’, tha më tej Nabarro, ndërsa u bëri thirrje autoriteteve që të qëndrojnë të fokusuar  në punën e tyre pasi   deri më tani është arritur vetëm gjysma e rrugës kundër kësaj pandemie.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: