Facebook ka ndaluar së funksionuari, me përdoruesit e Android në veçanti që kanë raportuar probleme të mëdha që hapin aplikacionin.

Çështja duket se ka ardhur pasi një përditësim i ri u lancua për përdoruesit përmes dyqanit Play Store të Google.

Ka pasur qindra raporte për çështjen, me probleme të përhapura anembanë botës, sipas faqes së internetit Down Detector.

Shumë përdorues panë një mesazh që i tregoi atyre se aplikacioni nuk ishte ngarkuar siç duhet dhe se ata duhet të provonin përsëri. Por, duke u përpjekur përsëri nuk dukej të zgjidhej problemi.

Të tjerë thanë se ata nuk mund të arrinin dot as në atë fazë dhe se aplikacioni u rrëzua para se të ngarkohej, shkruan tg.

Përditësimi i ri duket se ka ardhur sot. Për shkak se telefonat Android zakonisht përditësohen automatikisht në sfond, shumë përdorues mund të mos jenë të vetëdijshëm se kanë versionin më të ri të aplikacionit.

Ndonjëherë, duke mbyllur plotësisht ose madje duke fshirë dhe pastaj riinstaluar aplikacionet, mund t’i detyrojmë që të fillojnë punën përsëri. Por problemet e Facebook nuk duket se zgjidhen me këtë opsion.