Kreu i Partisë Demokratike, Lulzim Basha, do të zhvillojë ditën e nesërme një vizitë pune në Romë, ku do të takohet me përfaqësuesit e lartë politikë të vendit. Në lajmin e bërë publik nga vetë kreu i PD në rrjetin social Facebook, thuhet se temë e diskutimeve do të jetë gjendja në vend dhe integrimi europian.
Basha thotë se ditën e nesërme do të dalin “fakte të reja tronditëse mbi implikimin e Tahirit dhe të emëruarve të tij në kultivimin dhe trafikun e drogës”.
“Ne Rome me përfaqësuesit më të lartë politike mbi gjendjen e rëndë të vendit dhe të nesërmen Europiane të Shqipërisë. Nesër fakte të reja tronditëse mbi implikimin e Tahirit dhe të emëruarve të tij në kultivimin dhe trafikun e drogës!”, shkruan Basha.
(el.sp/BalkanWeb)