SHIJAK – Një plagosje me armë zjarri ka ndodhur ditën e sotme në qytetin e Shijakut. Për arsye që ende nuk dihen, shtetasi A.H. ka plagosur me armë 45-vjeçarin A.B.
“Më datë 24.12.2017, në Pjezë, Shijak, për motive të dobëta shtetasi A.H. ka plagosur me armë zjarri në dorë shtetasin A.B. 45 vjeç, banues në Pjezë, Shijak. I dëmtuari ndodhet në Spitalin Rajonal Durrës jashtë rrezikut për jetën,” shkruhet në njoftim.
Grupi hetimor ndodhet në vendngjarje ku vijon punën për zbardhjen e plotë të rrethanave të ngjarjes.
Ndërkohë shërbimet e Policisë vijojnë krehjen e zonës dhe ushtrojnë kontrolle për kapjen dhe arrestimin e autorit.
(e.f/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
