Menu Krye Të Fundit | Shqipëria |

Tërbohet era në Lezhë, shkul pishat në bregdetin e Shëngjinit (Foto+Video)

LEZHE- Moti i keq ka përfshirë ditën e sotme edhe zonën e Lezhës. Era e fortë ka shkaktuar dëme të mëdha, sidomos në zonën bregdetare. Për shkak të forcës së erës, janë rrëzuar disa pisha në bregdetin e Shëngjinit.

“BalkanWeb” ka siguruar pamjet, ku duken edhe dëmet e shkaktuara nga era.

Po kështu, vihet re edhe një fenomen i përkohshëm si pasojë e motit të keq. Erërat mesdhetare, së bashku me baticën, kanë bërë që deti të mbulojë krejtësisht bregun, ku gjatë verës qëndrojnë çadrat e plazhistëve.

Në Velipojë uji ka mbuluar edhe shëtitoren në gati 50 cm lartësi.

Deti pritet të tërhiqet në kufijtë e tij në ditët në vijim, në të gjithë vijën bregdetare prej 14 km të Plazhit të Velipojës dhe në Shëngjin.

Banorët e zonës thonë se një situatë e tillë nuk është parë prej 18 apo 20 vitesh. Ndërsa dallgëzimi në det arrin 9-10 ballë.

(BalkanWeb)