Apple vazhdimisht është akuzuar se me qëllim ngadalëson modelet e iPhone të cilat fillojnë të vjetrohen ndërsa konspiracionistët thonë se kjo bëhet që përdoruesit të blejnë modelet e reja.
Mesa duket kjo teori paska qenë e vërtetë, të paktën një pjesë e saj. Apple qëllimisht kufizon performancën e iPhone kur bateria vjetrohet sipas Geekbench.
Geekbenc zbuloi se telefonët me bateri më të vjetra shënojnë më pak pikë në rezultatet e testimit të performancës.
Ndërsa kapaciteti i baterive bie me vjetrimi e tyre, fuqia punuese e telefonit nuk ndikohet, por shpejtësia kufizohet që të rritet jetëgjatësia e baterisë.
Në fillim të këtij viti Apple lëshoi një përditësim në iPhone 6 dhe 6S pasi përdoruesit raportonin fikje të papritur të telefonit të tyre ndërsa ishin ende me 50% bateri. njofton PCW.
Tashmë ky përditësim ka filluar të cënojë performancën e telefonëve sipas Geekbench. “Problemi do të bëhet edhe më keq ndërsa telefonët vjetrohen,” shprehej zhvilluesi i Geekbench John Poole.
Ai tha se kreu hetimin pas disa raporteve kur përdoruesit thonin se zëvendësimi i baterisë në iPhone 6 ose 6S përmirëson ndjeshëm jetëgjatësinë e saj.
Poole shtoi se kur përdoruesve u ngadalësohet telefoni, ata nuk thonë duhet të blej një bateri të re, por një telefon të ri.
(BalkanWeb)
