Rusia dhe Ukraina shkëmbyen 303 të burgosur nga secila palë, duke përfunduar kështu fazën e tretë dhe të fundit të marrëveshjes për lirimin e 1,000 të burgosurve nga secila palë.

 “303 luftëtarë ukrainas janë në atdhe. Faza e tretë e marrëveshjes së shkëmbimit 1,000 për 1,000, e arritur në Turqi, është përfunduar.  Është e sigurt se ne do t’i kthejmë të gjithë njerëzit tanë nga robëria ruse”, njoftoi Presidenti ukrainas Volodymyr Zelensky  në Kiev.

“Në zbatim të marrëveshjeve ukrainaso-ruse të 16 majit në Stamboll , gjatë periudhës nga 23 deri më 25 maj, palët ruse dhe ukrainase vazhduan me një shkëmbim prej 1,000 personash për 1,000”, njoftoi Ministria Ruse e Mbrojtjes.

Shkëmbimi i të burgosurve u përfundua disa orë pas sulmit të ri masiv ajror rus që vrau të paktën 100 persona.

Kjo është nata e dytë e sulmeve të rëndësishme kundër Ukrainës, pasi afërsisht 250 dronë dhe 14 raketa balistike u zbuluan natën e së premtes ndaj të shtunës nga Forcat Ajrore Ukrainase. Shënjestra e shumicës së këtyre armëve ishte kryeqyteti ukrainas.

(BalkanWeb)

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: