Deputetët u mblodhën sërish këtë të enjte në Parlamentin shqiptar, pasi u zhvillua seanca e radhës plenare. Ajo që bie më shumë sy, nga deputetët e të gjitha kampeve politike, është look-u dhe veshja e tyre.

Deputetët burra, shihen grupe-grupe, e të veshur seriozë teksa ndodhen në oborret e Kuvendit, ndërsa deputetet femra, shpalosin të gjithë sharmin e tyre. Ndër ta, më në sy ranë deputetja, Grida Duma.

E veshur me kostum blu dhe me syze, deputetja e Qarkut të Tiranës dukej thjeshtë e mrekullueshme. Nga krahu tjetër, ish-ministrja e Drejtësisë, Etilda Gjonaj, tërhoqi vëmendjen me veshjen dhe dukjen e saj.

Paparazëve të LSA, nuk i ka shpëtuar as sekretari organizativ i PS, Bledi Klosi, i cili zgjodhi që të vinte në seancë jo me makinë, por me një biçikletë. Deputetja e PS në Qarkun Dibër, Aurora Mara dhe deputetja e PD në Qarkun e Durrësit, Andia Ulliri, tërhoqën gjithashtu vëmendjen. Vlen të përmendet se në seancën e sotme, u diskutua për miratimin e komisioneve të përhershme të parlamentit, si dhe u diskutua për mënyrën se si do të zhvillohen ato. Mazhoranca ka propozuar, se duke qenë se vendi ndodhet në një situatë pandemike, punimet në komisione të zhvillohen online.

Mirëpo të këtij mendimi nuk janë deputetët e opozitës, që kërkuan që sesionet të zhvillohen në godinat fizike, në përputhje kjo sipas tyre dhe me Kushtetutën. Për më shumë ju ftojmë të ndiqni fotot e mëposhtme.

(BalkanWeb)