Catherine Zeta- Jones ka bërë një postim për vajzën e saj Carys në rrjetet sociale.
Vajza e aktores dhe Michael Douglas mbush 21 vjeç dhe nëna e saj është kujdesur që ta urojë atë në publik.
Në një postim në llogarinë personale në Instagram, Catherine Zeta-Jones ka postuar tre foto, me faza të ndryshme të jetës së vajzës së saj.
Në njërën prej tyre, ajo e mban në krahë teksa është ende foshnjë. Në një foto të dytë, të dy pozojnë të buzëqeshura për kamerën, ndërsa në foton e tretë aktorja ka kapur të bijën në një moment relaksi.
Ajo ka komentuar postimin e saj: “Gëzuar ditëlindjen për vajzën time të bukur. Ti je gëzimi i jetës sime. 21 vjet duke të parë si lulëzon je një dhuratë nga Zoti që nuk e marr kurrë si të mirëqenë dhe e vlerësoj çdo ditë të jetës sime. Faleminderit që ekziston. Të dua me gjithë zemër ♥️ Mami.”
