248 tituj kampion në gara të ndryshme, kombëtare dhe ndërkombëtare. Kampion dhe rekordmen absolut i Shqipërisë për 16 vjet, nga 1975 deri në vitin 1991. Gjergji Ruli është pa diskutim legjenda e gjallë e atletikës shqiptare, por në morinë e medalje dhe rekordeve, njëri prej tyre është unik, ai në kërcim së gjati për të rinj, një rekord që qëndron në fuqi prej 45 vitesh. Pikërisht në këtë ditë të shënjuar, në ditën kur vendosi emirin e tij më germa të arta në atletikën kuqezi, Gjergj Ruli vendosi ta festojë së bashku me kolegë, miq të tij, personalitet të atletikës ndër vite. Me këtë rast, Ruli mori dhe dy vlerësimi, dy çmime të tjera, “Nderi i klubit sportiv Teuta”, dhe “Ambasador i Paqes”. Ruli nuk i fshehu emocionet për këto vlerësime që e bëjnë këtë ditë edhe më të veçantë:

Figura e Gjergj Rulit u vlerësua nga të gjithë kolegët e tij, një personazh unik i atletikës, por dhe sportit shqiptar në përgjithësi, për Artan Shytin, ish atlet, analist sportiv, Ruli nuk është thjesht një atlet, por një artist. Në karrierën e tij mbresëlënëse, Ruli është vlerësuar me titujt,  “Nderi i Sportit Shqiptar”, “Nderi i Atletikës Shqiptare”, “Mjeshtër i Merituar i Sportit” dhe  “Nderi i Kombit”.