Protestat masive që përfshinë Shqipërinë gjatë vitit 2026, të cilat zgjatën 59 ditë, janë përfshirë në një raport të OSAC, strukturë e lidhur me Departamentin Amerikan të Shtetit.

Sipas raportit, tubimet nisën si protesta mjedisore kundër një projekti për ndërtimin e një resorti luksoz në ishullin e Sazanit, por më pas u zgjeruan duke marrë një dimension më të gjerë politik dhe shoqëror.

“Protestat nisën si demonstrata mjedisore lokale, por kur policia i shpërndau ato, mijëra shqiptarë dolën në rrugët e qyteteve kryesore”, thuhet në raportin e OSAC.

Sipas DASH, lëvizja qytetare u shndërrua në një reagim kundër qeverisë, ku protestuesit ngritën akuza dhe shqetësime për korrupsionin institucional dhe funksionimin e institucioneve publike.

“Në vitin 2026, protesta të mëdha vunë në shënjestër një projekt për një resort luksoz në ishullin e Sazanit. Tubimet nisën si demonstrata mjedisore lokale, por kur policia i shpërndau ato, mijëra shqiptarë dolën në rrugët e qyteteve kryesore. Protestat u zgjeruan duke përfshirë thirrje kundër korrupsionit qeveritar, ndërsa disa prej tyre degjeneruan në dhunë”, thuhet në raport.