Gjashtë anëtarë të një familjeje u vranë dhe dy të tjerë u plagosën rëndë pas një shpërthimi të një bombole gazi në provincën veriperëndimore Khyber Pakhtunkhwa (KP) të Pakistanit të shtunën, sipas një zyrtari të ekipeve të shpëtimit.

Bilal Ahmad Faizi, zëdhënës i Shpëtimit 1122 KP, tha se incidenti ndodhi në Irum Colony, një zonë banimi në distriktin Mardan.

“Shpërthimi rezultoi në shembjen e një shtëpie dykatëshe, duke vrarë gjashtë persona dhe duke plagosur rëndë dy vajza”, tha Faizi.

Ai tha se ekipet e shpëtimit iu përgjigjën shpejt emergjencës dhe nisën një operacion shpëtimi. “Tetë persona, përfshirë gjashtë të vdekur dhe dy të plagosur, u nxorën nga rrënojat”, shtoi ai.

Sipas Faizit, mbi 100 persona morën pjesë në operacion, i cili vazhdoi për shtatë orë. Të vdekurit dhe të plagosurit u transportuan në Kompleksin Mjekësor Mardan.

Ai shtoi se shkaku i shpërthimit të bombolës ende nuk është përcaktuar, por shpërthimi mund të ketë ndodhur për shkak të rrjedhjes së gazit .

 

(A.A/BalkanWeb)