Gjendja e të miturit të aksidentit në zonën e ish-Kënetës në Durrës, paraqitet e rëndë.

Ministria e Shëndetësisë njofton se aktualisht 8-vjeçari ndodhet i shtruar në Spitalin e Traumës në Tiranë dhe paraqitet me dëmtime të shumta.

“Është koshient, por në gjendje të rëndë”, thuhet në reagimin zyrtar të ministrisë.

Mesditën e sotme, 3 djem të mitur, 2 vëllezër dhe kushiriri i tyre po luanin në trotuarin pranë zonës së tyre të banimit në lagjen nr 15 në Durrës, kur automjeti i drejtuar nga 57-vjeçari Nikoll Radaçi i mori zvarrë duke shkaktuar vdekjen e menjëhershme të 2 djemve, njëri prej tyre vëllai i 8-vjeçarit që u plagos rëndë dhe kushëriri i tyre.

Policia njofton se ka ndaluar drejtuesin e automjetit dhe ka sekuestruar pamjet filmike të aksidentit, të regjistruara nga një kamer biznesi që ndodhej pranë vendngjarjes.