Zylfije Haklaj sfidon ish-kryeministrin Sali Berisha duke i kërkuar përballje. Motra e vëllezërve Haklaj, një prej tyre i akuzuar për vrasjen e Azem Hajdarit, deklaron se është gati që të përballet me Berishën në cilëndo studio televizive për të sqaruar të vërtetën e ngjarjeve në Tropojë mes familjes së saj dhe ish-kryeministrit.
Zylfije Haklaj ndër të tjera thotë se dëshiron që edhe Berisha të mësojë se nga kush u përdor kundër familjes së saj. E ashtuquajtur “Shota e Haklajve”, është një nga personazhet që ka akuzuar në jo pak raste Berishën për ngjarjet që kanë ndodhur në Tropojë pas viteve ’90.
Katër vëllezërit e saj Shkëlqim, Halil, Ylli dhe Fatmir Haklaj janë vrarë në Tropojë. Aktualisht Zylfije Haklaj është një prej personave të kërkuar nga Interpol për një vrasje të kryer në Bajram Curri për të marrë hak për vëllezërit e saj.
POSTIMI
Jam e gatshme nga ky moment në cilëndo studio televizive të përballem me Berishën. Nëse dëshiron le ta zgjedhë vetë studion televizive.
Meqenëse Sali Berisha kurrë nuk na dha një mundësi sqarimi ose arsyetimi familjes tonë, i kërkoj debat televiziv ku të gjithë ata që janë të interesuar do ta mësojnë të vërtetën e rrjedhës së ngjarjeve deri në ditët e sotme në mes të familjes tonë dhe Sali Berishës. Dua që dhe vetë Berisha të mësojë, meqenëse kurrë nuk e diti të vërtetën nga kush u përdor kundër familjes tonë.
