TIRANE
Vetëm pak muaj më parë, moderatorja simpatike Jonida Vokshi kurorëzoi historinë e saj të dashurisë me aktorin kosovar Besnik Krapi në një dasmë fantastike. Me shumë të ftuar, personazhe VIP, miq, e familjarë, çifti i njohur e shijoi në maksimum ditën më të rëndësishme të jetës, gjë e cila u demonstrua përmes videove e fotove të ndryshme që ata publikuan në rrjetet sociale.
Por, burime pranë revistës “Who”, bëjnë me dije se Jonida është në pritjen e ëmbël! Prezantuesja bukuroshe e ekranit shqiptar, ndonëse e ka zhvendosur jetën e saj private në Kosovë, aty ku edhe jeton me njeriun e saj të zemrës duket se po jeton ditët më të bukura.
Ajo dhe Besniku do të fitojnë statusin e tyre më të ri vetëm pak muaj më pas duke u bërë prindër për të parën herë. Ende nuk dihet gjinia e fëmijës, por ne urojmë që të jetë një fëmijë i shëndetshëm dhe të sjellë sa më shumë lumturi tek prindërit e vet!
Duket se shtatzënia nuk do të jetë pengesë për angazhimin e saj në ekran, pasi shumë shpejt siç dihet Jonida Vokshi do të jetë pjesë e jurisë së “Top Talent” në Top Channel, një format ky i dedikuar në zbulimin e talenteve të reja.
(BalkanWeb)
