Dy vajza të mitura, Vanja 4 vjeç dhe Natalia 13 vjeç, kanë shpëtuar mrekullisht nga vdekja e sigurt. Ndërsa në pallat kishte rënë zjarr, nëna nuk gjen tjetër rrugë veç t’i nxjerrë jashtë vajzat e saj nga dritarja. Pamjet e marra nga rruga afër objektit tregojnë se si fëmijët fluturojnë nga dritarja e ndërtesës.

Për fat të mirë, operacioni për shpëtimin e tyre ishte i suksesshëm dhe të dy vajzat kanë mbijetuar, raporton Jutarni.hr. Nëna e dëshpëruar e cila kishte frikë se çarçafët që kishin vendosur banorët poshtë për të pritur vajzat nuk do të mbanin peshën e saj, nuk u hod nga dritarja. Ajo qëndroi në një apartament, duke shpresuar se zjarrfikësit do të arrinin në kohë. Për fatin e mirë të saj, zjarrfikësit kanë arritur me kohë, dhe së bashku me të, kanë evakuuar edhe rreth 140 banorë të tjerë.

(m.k/BalkanWeb)