Më shumë se 30 000 persona kanë humbur punën në Bosnje-Hercegovinë për shkak të pandemisë dhe mijëra të tjerë mund të kenë të njëjtin fat, raportoi agjencia kroate e lajmeve, HINA duke cituar informacione nga media lokale boshnjake.

Sipas të dhënave nga Zyra e Statistikave të Bosnje-Hercegovinës, në Federatën Boshnjako-kroate, një nga dy entitetet që përbëjnë vendin e vogël ballkanik, më shumë se 23 000 punëtorë u pushuan nga pranvera e kaluar deri në 20 korrik, ndërsa në Republikën Srpska pak më shumë se 9 000 persona humbën punën e tyre.

”Sidoqoftë, shifrat e vërteta mbi të papunët e rinj mund të jenë shumë më të larta, pasi punëdhënësit në vendin e Ballkanit jo gjithmonë regjistrojnë rregullisht numrin e punëtorëve dhe nuk paguajnë kontribute”, shkruan HINA.

Banka Botërore ka parashikuar se deri në 85 000 boshnjakë mund të bien nën kufirin zyrtar të varfërisë për shkak të pandemisë.