Kryetari i PAA Agron Duka bën apel për marrjen e masave të menjëhershme për shmangien e përmbytjeve nga reshjet e mëdha që parashikohen në vend.

Duka shprehet se tashmë zonat më të rrezikuara nga përmbytjet janë të përcaktuara, ndaj duhet parandaluar risku i përmbytjeve në këto zona, nga të cilat mund të përmendim: Shkodër, Lezhë, Fier, Vlorë, etj.

Ai shton se disa kërkesa duhen bërë që tani, e ata janë:

1. Verifikimi i kanaleve kulluese duke filluar nga zonat me risk të lartë.
2. Verifikimi i stacioneve të pompave për shkarkimin e ujërave të përmbytjeve.
3. Verifikimi i sistemit të furnizimit me energji të stacioneve të pompimit.
4. Plan efektiv për evadimin e njerëzve por edhe bagëtive në zonat me risk të lartë.

PAA i kërkon qeverisë të bëjë maksimumin për të minimizuar humbjet nga përmbytjet.

(d.xh/ Balkanweb)