Shumë gjëra që sot merren të mirëqena për britanikët dhe evropianët nuk do të jenë më kështu më 1 janar duke filluar nga koha e qëndrimit në vendet respektive, te radhët e gjata nëpër kufij, e deri te mënyra se si do bëhet tregti mes tyre. Edhe pse është shtyrë afati për arritjen e marrëveshjes për disa ditë, ndoshta edhe një ose dy javë, status quo-ja do ndryshojë më 31 dhjetor, brenda së cilës date do duhet si Britania ashtu edhe 27 vendet e BE-së të ratifikojnë marrëveshjen e mundshme, mungesa e së cilës do ishte shkatërrimtare për ekonominë e Britanisë dhe atyre evropiane. Është ende e pasigurt nëse bisedimet do të konkludojnë në marrëveshje, por shanset e zgjidhjes së mosmarrëveshjeve sërish janë më të mëdha, pasi e kundërta do ishte rënie në humnerë dhe të dyja palët e dinë këtë.