E ardhmja e Kylian Mbappe është La Liga, por për suprizë të të gjithëve, jo në Madrid. Sulmuesi francez mund të transferohet në Barcelonë, pas klubi katalunjas ka hyrë bindshëm në garë dhe kërkon të shfytëzojë një tratativë akoma më të bujshme, atë mes Paris SG dhe Lionel Messi. Zbulimi vjen nga e përditëshmja “Marca”, gazeta shumë pranë Realit dhe që paralajmëron “los blancos” se mund të dështojnë në misionin më të rëndësishëm të merkatos.

Ëshë e ditur prej kohësh që klubi madrilen ka emrin e Mbappe në krye të listës së blerjeve, por talenti francez mund të kalojë te rivalët e përjetshëm. Sipas “Marca”, Barcelona kërkon të marrë shërbimet e sulmuesit si “hakmarrje” ndaj Paris SG për Lionel Messi dhe si një mënyrë për të mos lejuar madrilenët të forcohen me një nga lojtarët më të mirë të botës.
(balkanweb)