Ish-kandidati për kryetar i PD, Fatbardh Kadilli nuk është i shqetësuar për parregullistë në procesin zgjedhor përballë Bashës.
I ftuar në emisionin ”Frontline” të Marsela Karapanços në Neës24, demokrati shprehet i irrituar për faktin se pse anëtarësia e PD u tkurr me 30%.
Ai thotë se firoja në anëtari ka ndodhur për shkak të burokratizimit të PD dhe ai kërkon ndryshim nga kjo linjë sepse e vdes partinë.
”S’ka interes sa e votuan apo jo, s’ka interes për parregullsitë brenda partisë, u nis e u mbyll e pabarartë. Basha fitoi sepse shumica dërrmuese që dolën ne votim, ishte me 73 mijë anëtarë, edhe ata që vouan edhe ata që e bojkotuan duhet të mbajnë përgjegjësi. Ata 43 mijë zgjodhën në shumicë Bashën.
Bashkarisht humbëm në zgjedhjet e 25 prillit, ata pranojnë fajin, nuk e ndajnë nga fajtori i madh.
Në momentin që është votuar, a do votonin 32 apo 42 mijë nuk përbën problem. Nuk më shqetëson fakti, më shqetëson pse na firoi 30% e anëtarësisë. Në tetor ishim 100 mijë, tani 75 mijë.
Diskutimi im është se si në tetor i mungon në iventar 30%, nuk është se mungojnë, por është burokratizimi i partisë. Thjesht se Nurellari ka ndërruar numrin e telefonit, hajde hiqe nga lista. Burokratizimi e vdes partinë, e ngordh nervin politik. A ishin 40 a 45 a 35. ”- tha Kadilli.
(BalkanWeb)
