Policia e Nju Jorkut ishte vendosur në ndjekje të një të dyshuari, kur ky i fundit, teksa largohej me makinë, përplaset me 7 mjete të tjera duke lënduar të paktën 14 persona.

Policia ka sqaruar se ishte vendosur në ndjekje të mjetit, pasi ky i fundit, ishte duke udhëtuar me shpejtësi tej normave të lejuara, si dhe dyshohej, se shoferi ishte duke tymosur kanabis.

Video e ndjekjes dhe më pas e përplasjes masive, është regjistruar nga një artist tatuazhesh, i quajtur David Peres.

Në pamje, shihet se si shoferi i makinës që ishte në ndjekje, pasi kryen përplasjen, tenton të largohet në këmbë.

Nuk dihet ende nëse shoferi është arrestuar, ndërsa dëmet materiale përllogariten si tepër të mëdha.

(BalkanWeb)