Policia e Durrësit ka vendosur në pranga 2 shoferë, si dhe ka proceduar penalisht 2 të tjerë.

Në njoftimin zyrtar thuhet se 43-vjeçari A. Y., banues në Mallakastër është arrestuar në lagjen 13. në Durrës. Burri nuk i është përgjigjur urdhrit të policisë për të ndaluar.

Gjithashtu është arrestuar edhe 32-vjeçari L. K., pasi drejtonte mjetin në gjendje të dehur. Sakaq, janë proceduar penalisht shtetasit E. D., 37 vjeç dhe N. Q., 58 vjeç, banues në Durrës, pasi gjatë një konflikti me njëri-tjetrin, nuk i janë bindur urdhrit të policisë për ta ndalur sherrin.

Njoftimi i policisë:
Vihen në pranga 2 drejtues mjetesh.

Procedohen penalisht 2 shtetas, për mosbindje ndaj urdhrit të punonjësve të Policisë.

Specialistët e Qarkullimit Rrugor në DVP Durrës, në vijim të punës për parandalimin e aksidenteve rrugore dhe ndëshkimin e atyre drejtuesve që drejtojnë mjetin në mënyrë të parregullt, arrestuan në flagrancë shtetasit:

A. Y., 43 vjeç, banues në Mallakastër, pasi në lagjen nr.13, Plazh, Durrës, është konstatuar nga shërbimet e Policisë, duke drejtuar pa leje drejtimi, mjetin tip “Volksëagen” dhe nuk i është bindur urdhrit të Policisë për të ndaluar;

L. K., 32 vjeç, banues në Durrës, pasi në lagjen nr. 18, Durrës, u konstatua duke drejtuar mjetin tip “BMË”, në gjendje të dehur.

Oficerët e Policisë Gjyqësore pranë Prokurorisë së Rrethit Gjyqësor Durrës proceduan penalisht për veprën penale “Mosbindja ndaj urdhrit të punonjësit të policisë së rendit publik”, shtetasit E. D., 37 vjeç dhe N. Q., 58 vjeç, banues në Durrës, pasi gjatë konflikti me njëri-tjetrin, nuk i janë bindur punonjësve të Policisë.

Materialet i kaluan Prokurorisë së Rrethit Gjyqësor Durrës, për veprime të mëtejshme.