Përfaqësuesi i Lartë i Bashkimit Europian për Punë të Jashtme, Josep Borell deklaroi se Beogradi dhe Prishtina duhet të dialogojnë sepse kjo është e vetmja rrugë sipas tij për të stabilizuar situatën.

“Situata është qetësuar kohët e fundit, por është ende e domosdoshme që t’i rikthehemi dialogut sepse nuk ka rrugë tjetër për të stabilizuar situatë”, ka thënë Borell.

Kjo deklaratë e tij erdhi pas takimit të dytë të aleancës së NATO-s që mbahet në Riga, lidhur me situatën e Ballkanit Perëndimor.

Më tej ai u shpreh se Ballkani Perëndimor mbetet një rajon strategjik për Bashkimin Europian.

(BalkanWeb)