Kryedemokrati Lulzim Basha i ka ndarë në rrjete sociale një mesazh ngushëllimi për ndarjen nga jeta të ish-sekretarit amerikan, Bob Dole.

Kreu i PD, shkruan se Dole ishte një nga zërat më të fortë e përcaktues në mbrojtje të të drejtave të shqiptarëve, duke nisur nga çlirimi i Kosovës, e deri te rruga Euro-Atlantike.

Mesazhi i Lulzim Bashës:

Me trishtim mora lajmin për ndarjen nga jeta të Bob Dole, mik i madh i shqiptarëve, që na ka qëndruar pranë në çastet më vendimtare dhe hapat më të rëndësishëm të kombit tonë .

Senatori Bob Dole ishte një nga zërat më të fortë dhe përcaktues në mbrojtje të të drejtave të shqiptarëve. Nga çlirimi dhe pavarësimi i Kosovës , tek sprovat e rrugës Euro-Atlantike të Shqipërisë dhe Kosovës, mbështetja e tij ishte një bekim i pazëvendësueshëm për kombin tonë.
Kam akoma të freskët bisedën e fundit me Senatorin Dole, javë përpara zgjedhjeve, këshillat, urimet dhe dëshirat e tij për Shqipërinë dhe Kosovën.

Mirënjohje të përjetshme për këtë kolos të demokracisë amerikane! Lutjet dhe mendimet e mija shkojnë për familjen e Senatorit Dole, bashkëpunëtorët dhe kolegët e tij dhe kombin mik amerikan !

U prehtë në paqe!

(BalkanWeb)