TIRANË

Ish-ministri i Mjedisit, Lefter Koka, sapo ka mbërritur në ambientet e Gjykatës së Posaçme kundër Krimit dhe Korrupsionit, nën masa të shumta sigurie.

Lajmi bëhet i ditur për “BalkanWeb” nga gazetarja Klodiana Lala, e cila sjell pamjet në redaksi, që tregojnë momentin kur ish-ministri Koka nxirret nga furgoni i policisë, ndërsa thekson se ai do të njihet sot me masën e sigurisë.

Ish-ministri Koka u arrestua dy ditë më parë nga SPAK, pasi akuzohet për shpërdorim detyre, korrupsion dhe pastrim parash.

Lefter Koka akuzohet se ka abuzuar me tenderat e inceneratorëve, që konsiderohet si një nga aferat më të mëdha të dekadave të fundit në vend.

(BalkanWeb)