Britania e Madhe ka deklaruar se do ta cilësojë si vepër penale çdo ndërhyrje të avionëve rusë në hapësirën e saj ajrore.

Sekretari i Transportit në Mbretërinë e Bashkuar, Grant Shapps, përmes një letre drejtuar “të gjitha aeroporteve dhe fushave ajrore në Mbretërinë e Bashkuar”, ka kërkuar nga kontrollorët e trafikut ajror që “të mos ofrojnë akses të asnjë avioni kur ata kanë arsye të besojnë se është avion rus”.

Sipas tij, çdo lloj hyrje e avionëve rusë do të konsiderohet si vepër penale. Shapps vuri në dukje se Perëndimi do të mbysë çdolloj lëvizje të miqve të Vladimir Putinit për t’i dhënë atij oksigjen teksa shumë njerëz të pafajshëm po vdesin.

“Do ta cilësoj vepër penale çdo avion rus që prek hapësirën tonë ajrore. Ne do të mbysim çdolloj lëvizje të miqve të Putinit për t’i dhënë oksigjen ndërsa mijëra njerëz pafajshëm po vdesin”, shkroi Shapps në Twitter.

BREAKING: I have made it a criminal offence for ANY Russian aircraft to enter UK airspace and now HMG can detain these jets. We will suffocate Putin’s cronies’ ability to continue living as normal while thousands of innocent people die. pic.twitter.com/cYjreNSYRz

— Rt Hon Grant Shapps MP (@grantshapps) March 8, 2022