TIRANË

Ish-kryeministri Sali Berisha ka komentuar dhe vendimin e qeverisë për 133 mijë metra katrorë tokë në Dhërmi me përfitues aktorin e njohur Gazmend Paja, si investitor strategjik në bregdetin e jugut.

Berisha tha sot se është e dënueshme dhe e papranueshme dhe se ky është një skandal për të bashkëlumturuar Edi Ramën dhe Gaz Pajën.

“Për të bashkëlumturuar Edi Ramën me Gaz Pajën, është skandali dhe vjedhja e fundit që i bëhet pasurive të këtij vendi dhe ky është një akt i shëmtuar, dëshmia më flagrante se si kjo qeveri kap mediat duke përdorur pasuritë publike. Është e dënueshme dhe e papranueshme. Nuk kam asgjë për dhuntitë artisitike të Gaz Pajës, po këto s’kanë asgjë të përbashkët me artin, përkundrazi me veset më të këqija të njeriu”, deklaroi Berisha.